Telegram интэриниэт ситимэ айыллыбыта алта эрэ сыл буолла эрээри, номнуо 200 мөлүйүөн киһи туһанар. Бу интэриниэт ситими айбыт Павел Дуров саха уруһуйдьут кыыһыттан, Кыыдаана Игнатьеваттан, уруһуйдууругар көрдөспүт. Кыыс ол уруһуйун Павел Дуров Telegram туһанааччыларыгар эҕэрдэ быһыытынан ыыппыт. 

«Павел Дуровтыын туох саҥаны толкуйдаабыппытын ырытыһааччыбыт. Бу сырыыга кини былакаат уруһуйдуурбар көрдөспүтэ. Хас даҕаны уруһуйбуттан биири Telegram интэриниэт ситимин туһанааччыларыгар ыыппыт. Уруһуйбар 200 мөлүйүөн дьону тиэйбит космос хараабыла телеграмм планетатыгар көтөн иһэр», — диэн  News.Ykt.Ru сайтка Кыыдаана кэпсиир. Бу иннинэ Кыыдаана Павел Дуровы  хаста да уруһуйдаан турардаах.

Николай ПОПОВ, «Саха сирэ» хаһыат, edersaas.ru

0
0
comments powered by HyperComments