Саха боотура Борис Федоров “Маастар” диэн хос ааттаах утарылаһааччытын хотон, Кытайга өссө биир дьоһун кыайыыны ситистэ.
Бэҕэһээ Кытай Тенгчонг куоратыгар түмүктэммит «The king fighting» норуоттар икки ардыларынааҕы турнирга 66 киилэҕэ диэри ыйааһыҥҥа Борис Федоров ММА биир уопуттаах байыаһын Яо Хонгангы кытта күөн көрүстэ.
Бу иннинэ байыастар биирдэ киирсэн тураллар. Онно Борис Федоров кыайыылаах тахсыбыта. Бэҕэһээ Яо Хонганг саха боотурун кимиитин эмиэ тулуйбата, киниэхэ бэл дойдутун истиэнэлэрэ көмө, хахха буолбатылар. Онон судьуйалар иккис түһүмэххэ киирсиини тохтоторго күһэлиннилэр.
