Саха сирин тустууга оскуолатын иитиллээччитэ Андрей Аронов Кыргызстааҥҥа буолбут чемпионакка ситиһиилэннэ. Кыһыл көмүһү аҕалла. Ол туһунан СИА-ҕа РФ үтүөлээх тренерэ Иван Сивцев кэпсээтэ.


Андрей Аронов Кыргызстаан чемпионатыгар Чуйскай уобалас Ивановка сэлиэнньэтиттэн кытынна. 97 кг диэри ыйааһыҥҥа кииристэ.

«Биһиги тустуу федерациятын президенин уонна дойду кылаабынай тренерин кытта үлэлэһэн, Андрей бу күрэхтэһиигэ кыттарын ситиспиппит. Финалга Аронов Азияҕа бастыыр иһин күрэх призера Арсланбек Турдубековы кыайар. Уолбут бастакы эргииргэ 3:1 сабарыйтаран иһэн, кытаанах киирсиилэри көрдөттөөн, тушенан кыайар. Онон турнирга уопсайа үс киирсиигэ үһүөннэрин кыайар», — диэтэ Иван Сивцев.

Андрей Аронов  – Тарскай Мемориалын, араас турнирдар хас да төгүллээх призердара, олимпийскай саппаас училищетын иитиллээччитэ. Азия чемпиона Айаал Лазарев спаринг-партнера.

Сигэн:

1
0

Хоруй суох