19 Кулун тутар 19.03
  • -9°
  • $ 91,98
  • 100,24

Сааскылаахха Илья Спиридонов аата үйэтитилиннэ

15:59, 13 августа 2016
Текст:
Читайте нас на
Яндекс Новости
ЯДВ

Сааскылаах сэлиэнньэтигэр өссө биир дьоро түгэн тосхойдо. Ол курдук, атырдьах ыйын 10 күнүгэр Социалистическай Үлэ Дьоруойа, бастыҥ табаһыт Илья Константинович Спиридонов аатын сүгэр уулусса маҥнайгы дьиэтигэр кини аатын үйэтитэр мемориалһнай дуосканы үөрүүлээх быһыыга-майгыга астылар.


Тэрээһини культура улэһитэ Егор Толбонов иилээн-саҕалаан ыытта. Бэлиэ тэрээһиҥҥэ нэһилиэк олохтоохторо, оҕолор кытыннылар. Илья Константинович аймахтарын ааттарыттан тыыл бэтэрээнэ, Анаабыр улууһун бочуоттаах олохтооҕо Мария Хоноехова тыл эттэ:

— Илья Константиновичтыын киминэн аймахтыыларый диир буоллахха, кини аҕата Константин Анисимович мин кэргэним аҕатын Никита Анисимовиһы кытта бииргэ төрөөбүт ини-биилэр этэ. Илья Константиновиһы кытта 1962 сыллаахха үчугэйдик билсибиппит. Онтон ылата чугастык алтыһар, бэйэ-бэйэбитигэр сылдьыһар, ыаллаһар буолбуппут. Илья Константинович наһаа ыалдьытымсах, эйэҕэс киһи этэ. Кини оҕолорун кытта урут-уруккаттан ыкса сибээстээхпит, куруук билсэ турабыт. Илья Константинович сырдык аата өрүү аатыра турдун. Кэлэр көлүөнэ ыччаттара өр сылларга өйдүү-саныы сылдьыахтара диэн бигэ эрэллээхпин.

Ол кэннэ Сааскылаах нэһилиэгин баһылыга Евгений Лаптев уонна Мария Ивановна Хоноехова Илья Константинович аатын сүгэр уулусса мемориальнай дуоскатын ытыс тыаһынан үөрүүлээхтик астылар.

Таба иитиитигэр уһулуччулаах ситиһиилэрин иһин Сэбиэскэй Сойуус табаһыттарыттан аан бастакынан 1957 сыллаахха Ленин уордьанын, итиэннэ «Сиэрпэ уонна Өтүйэ» кыһыл кемус мэтээли туттаран туран, Социалистическай улэ Дьоруойун урдук аатын Илья Константинович Спиридоновка иҥэрбиттэрэ. Кини дьон-сэргэ махталын, ытыктабылын ылыан ылбыт киһи. Кини үрдүк култууралаах, мааны майгылаах, ыраас суобастаах, киһи киэнэ кэрэмэһэ, дьиҥ-чахчы айылҕа оҕото этэ диэн үгүс киһи үтүө тылынан ахтар-саныыр. Ити курдук, оройуоммут бастыҥ табаһытын сырдык аата үйэтитилиннэ.

Следите за самым важным и интересным в Telegram-канале и WhatsApp-группе ЯСИА