28 Кулун тутар 28.03
  • -12°
  • $ 92,59
  • 100,27

Сааскы өртөөһүн бобуулаах. Сэрэхтээх буолуҥ!

Читайте нас на
Яндекс Новости
ЯДВ

Арассыыйа Бырабыыталыстыбатын уурааҕынан, 2015 с. баһаартан сэрэхтээх буолуу эрэһиимин Быраабылаларыгар кэккэ уларытыылар киллэриллэн, кур оту-маһы уматыы, тыа хаһаайыстыбатын сирин өртөөһүн, сыһыыга-хонууга кулуһуну оттуу бобуллан турар.


Баһаартан сэрэхтээх буолуу эрэһиимин быраабылаларын кэһии иһин ыстараап түһэриллэр: чааһынай киһиэхэ 3-4 тыһ., дуоһунастаах киһиэхэ 15-25 тыһ., тэрилтэҕэ 50-200 тыһ. солк.

Тыа хаһаайыстыбатын министиэристибэтэ бу дьаһалы хонтуруолга ылар туһунан улуустарга мэлдьи этэр. Сири туһаҕа таһаарарга, мэччирэҥи уонна ходуһаны тупсарарга кур оту уматар наадата өйдөнөр. Ол иһин бу үлэни ыкса күһүн, баһаар турар куттала ааспытын кэннэ итиэннэ тэрээһиннээхтик, эрдэттэн былааннаан ыытар тоҕоостоох. Ону учуоттаан, Саха Өрөспүүбүлүкэтин Бырабыыталыстыбата Уһук Хотугу уонна онно тэҥнэммит сирдэргэ тыа хаһаайыстыбатын сирин өртүүрү көҥүллүүр туһунан уураах бырайыагын бэлэмнээтэ. Итиэннэ ону Арассыыйа Тыатын хаһаайыстыбатын уонна Айылҕа харыстабытын министиэристибэлэригэр, ЫББМ-ҥа, Уһук Хотугу эрэгийиэннэр (Мурманскай, Архангельскай, Магадан, Сахалин, Тюмень, Иркутскай, Красноярскай уобаластарын, Коми, Карелия, Тыва өрөспүүбүлүкэлэрин, Камчатка, Хабаровскай кыраай, Ханты-Мансийскай автономнай уокуруг, Ямал-Ненец автономнай уокурук) салалталарыгар билиһиннэриигэ ыытта.

Онон, үлэ салгыы ыытыллар, оттон өрөспүүбүлүкэ олохтоохторугар сааскы өртөөһүн кытаанахтык бобулларын санатабыт, баһаартан сэрэхтээх буолуу эрэһиимин Быраабылаларын тутуһарга ыҥырабыт диэн Ил Дархан уонна Бырабыыталыстыба пресс-сулууспата иһитиннэрэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар