Саха сирин соҕуруу куоратын Нерюнгри технологическай колледжын устудьуона уһуйааччытын охсубутун көрдөрөр видео дойдуну тилийэ көттө. Кини бэрэбиэркэ түмүктэниэр диэри үөрэҕиттэн тохтооботун туһунан СИА-ҕа колледж иитиигэ дириэктэри солбуйааччыта Нина Романова эттэ.
Бастыкы кууруска үөрэнэ киирбит устудьуон сааһырбыт преподавателгэ саба түспүтүн видеоҕа устубуттар. Ити төрүөтэ учуутал эдэр киһи муусуканы истэрин тохтоторугар модьуйуута буолла.
«Бу быһылаан туһунан биһиги тугу да эппэппит. Бастакы куурус устудьуона үөрэх бэрээдэгин кэһиэ суохтааҕа. Билигин бэрэбиэркэ бара турар», — диэтэ Нина Романова.
Физика уонна электромеханика уһуйааччыта 35 сыл үлэлээбит ыстаастаах. Кинини ытыктаан «Электродед» диэн ааттыыллар. Кини устудьуоннар да, үлэһиттэр да ортолоругар улаханнык ытыктанар киһи. Преподаватель полицияҕа сайабылыанньа суруйартан аккаастаммыт. Колледжка маннык быһылаан аан бастакытын буолла.
https://youtu.be/EhM-oEb7RE4
