Саҥа үөрэх дьылыгар оскуола эрэ буолбакка, кылаас уратытын, муниципалитеттар эпидемиологическай балаһыанньаларын эмиэ учуоттуохтара. Бу туһунан үөрэх министиэристибэтин пресс-сулууспата иһитиннэрэр.


Үөрэх миниистирэ Михаил Сивцев хас биирдии муниципальнай тэрээһини кытары үлэ саҕаламмытын этэр. Оскуола, кылаас уратытыттан көрөн үөрэхтээһин араас көрүҥнэрин бэлэмнииллэр. Роспотребнадзор ирдэбилин толорорго салгыны ыраастыыр тэриллэр, дезинфекциялыыр сириэстибэлэр, бесконтактнай термометрдар, харыстанар маллар, мэдиссиинискэй көмө наадалар.

Билиҥҥитэ үөрэх тэрилтэлэрэ балаҕан ыйын 1 күнүттэн аһыллар былааннаахтар, ол эрэн дьаҥ тарҕаныытыттан көрөн, атын дьаһаллар ылыллыахтара. Бүтэһиктээх быһаарыныыны атырдьах ыйын иккис аҥарыгар ылыныахтара. Этэҥҥэ буоллаҕына 736 оҕо саада, 649 оскуола, 43 профессиональнай үөрэх тэрилтэтэ уонна биэс үрдүк үөрэх кыһата ааннарын тэлэтиэхтэрэ.

 

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.