19 Кулун тутар 19.03
  • -10°
  • $ 91,98
  • 100,24

Россия сүүмэрдэммит хамаандата Паралимпиадаттан туоратылынна

10:20, 08 августа 2016
Текст:
Читайте нас на
Яндекс Новости
ЯДВ

Норуоттар икки ардыларынааҕы паралимпийскай кэмитиэт (IPC) Россия Паралимпиадаҕа сүүмэрдэммит хамаандатын Оонньуулартан туоратта. Ити туһунан «Новости» РИА иһитиннэрэр. Россия хамаандатыгар Саха сириттэн Анастасия Диодорова, Алена Дмитриева, Владимир Балынец, Степанида Артахинова бааллара.


Норуоттар икки ардыларынааҕы паралимпийскай кэмитиэт салайааччыта Филип Крэйвен Россия допиҥҥа систиэмэтэ бүтэһиктээхтик алдьаммытын, коррупциялааҕын бэлиэтиир.

Кини Сочига буолбут Олимпиадаҕа допиҥҥа боруоба уларытылылбытын ойуччу тутан этэр. Россия 7 спортсменын 21 боруобатын хос оҥорбуттар.

Бүтүн аан дойдутааҕы допины утары тутулуга суох агенство (WADA) салайааччыта Ричард Макларен дакылаатын кэнниттэн саҥа чинчийии ыытыллыбыт.

Ити түмүгэр көстүбүтүнэн, 19 эрэ боруобаны бэрэбиэркэлээбиттэр, оттон 18-ка боруоба иһитигэр аһа сылдьыы уонна хаттаан сабыы баара биллибит. Ити туһунан Крэйвен этэр.

IPC баһылыга Сочига ыытыллыбыт Паралимпиада түмүктэрэ саҥаттаан таһаарыллыан сөбүн туһунан этэр.

Россия Паралимпийскай кэмитиэтин слайааччыта Владимир Лукин эппитинэн, IPC быһаарыыта Лозаннатааҕы спорт арбитражнай суутугар көрүллүөҕэ. Лукин суут ууруута Россия спортсменнарын туһатыгар буолуоҕар эрэнэр.

Россия Олимпийскэй кэмитиэтин салайааччыта Александр Жуков бэлиитикэ ыгыытын уйбакка, IPC маннык быһаарыыны ылбытын бэлиэтиир.

Онон Саха сириттэн Анастасия Диодорова, Алена Дмитриева, Владимир Балынец уонна Степанида Артахинова Паралимпиадаҕа кытта бараллара саарбахтанна.

Следите за самым важным и интересным в Telegram-канале и WhatsApp-группе ЯСИА