125 кг диэри ыйааһыҥҥа кыһыл көмүс мэтээли иилиммит Мухамази Магомедов чемпионат кэнниттэн Саха сирин олохтоохторо көбүөргэ тахсыбыт тустааччыларыгар «ыалдьыыларыттан» сөхпүтүн кэпсээтэ. Олохтоохтор тустууну сэҥээрэр модун кыахтарын футбол фанаттарыгар майгыннаппытын эттэ.
Красноярскай кыраай бэрэстэбиитэлэ Мухамази Магомедов бэйэтин ыйааһыныгар чеченец Александр Зеленковы кыайан, чөмпүйүөннээтэ. «Олимпиадаҕа барыахпын баҕарабын, ол гынан баран мин ыйааһыммар атын киһи тустара буолуо дии саныыбын. Мин аан дойду Кубогар тахсыам диэн эрэллээхпин. Оттон Риоҕа барар түгэн тосхойдоҕуна, бэлэммин», — диэтэ кини.
Спортсмен ааспыт Россия чемпионатын туһунан маннык санаатын үллэстэр: «Олус истиҥ санаа хаалла. «Ыалдьааччылар» Саха сирин тустууктарын туһугар чаҕылхай сыһыаннарын футбол фанаттарыгар майгынната көрдүм. Маннык «ыалдьар» дьон футболга уонна Дьокуускайга эрэ бааллар диэн чуолкайдык этэбин. Кинилэр тустууктар хас биирдии хамсаныыларагыра күүрэллэр. Ол иһин умсугутуулаах. Маннык настырыанньалаах көрөөччүлэрдээх сиргэ тустарга олус үчүгэй», — диэтэ Россия чемпиона.
