Россия премьер-миниистирэ Михаил Мишустин коронавирус инфекцията тарҕаныытын сэрэтии уонна хонтуруол боппуруостарынан мунньах ыытта. Бу туһунан «Интерфакс» иһитиннэрэр.
Дойду бырабыыталыстыбатын бэрэссэдээтэлэ Михаил Мишустин суһал штаб тэрийэр туһунан соруйда. Манна мунньах кыттыылаахтара, РФ ыксаллаах быһыыга-майгыга миниистирэ, ис дьыалаҕа миниистирэ, бырамыысыланнаска уонна атыыга-эргиэҥҥэ миниистирэ киирэллэрэ этилиннэ.
Коронавирус инфекцията тарҕаныытын сэрэтиигэ уонна хонтуруол үлэтин ыытыыга былааны Роспотребнадзор салалтата икки күн иһигэр оҥороругар сорук туруорда.
Тохсунньу 27 күнүн туругунан, Россияҕа коронавирус инфекциятынан ыалдьыы түбэлтэтэ бэлиэтэммэтэҕэ этилиннэ, диэн суруйар НВК «Саха».
