29 Кулун тутар 29.03
  • -11°
  • $ 92,26
  • 99,71

“Россия 24” Амма режиссера Дмитрий Давыдов уонна Русскай-Устье төрүт олохтоохторун туһунан сюжеттары бэлэмниир

11:37, 16 апреля 2018
Текст:
Читайте нас на
Яндекс Новости
ЯДВ

Саха сиригэр Россия биллэр телеыытааччыта Зинаида Курбатова кэллэ. “Россия 24” ханаалыгар бэйэтин хамаандатын кытта суруналыыс икки сюжеты бэлэмниир – “Костер на ветру” киинэ режиссера, оскуола дириэктэрэ Дмитрий Давыдов унна Аллайыаха улууһун кырдьаҕас сэлиэнньэтэ Русскай Устье тустарынан.

— Зинаида, айаныҥ түмүгүн хайдах сыаналыыгын?

— Мин дойду устун кэрийэрбин олус таптыыбын. Хоту дойду олус тардар. Ил Дархаҥҥыт Егор Борисов дьаһалтатыгар махтанабын. Хайдах Саха сиригэр айанныырбытын, тырааныспарбытын, хонук сирбитин быһаардылар.

— Саха сиригэр саамай туох соһутта?

— Дьон! Тыйыс усулуобуйаҕа олорор дьон мэлдьи эрэллээхтэр, үлэһиттэр. Аммаҕа Киренскэй аатынан гимназияттан астынным. Аммаҕа норуодунай тыйаатыр баарыттан үөрдүм. Билигин Дмитрий Давыдов саҥа киинэни толкуйдаабыт. Киниэхэ кирэдьиит биэрэн көмөлөһөллөрө буоллар.

Русскай Устьеҕа айан кутталлаах этэ: эргиччи туундара, тыйыс тыал, “буран” өрө ыһылла ыһылла барар. Ол курдук үс чаас устата. Бөһүөлэк бэртээхэй! Урут Русскай Устьеҕа сөмөлүөт көтөр эбит. Онтон 1990 сылтан бөһүөлэк туспа арыы курдук материктан быстыбыт. Соторутааҕыта Россия бэрэсидьиэнэ дьоҕус авиацияны чөлүгэр түһэрэр туһунан эппитэ. Ити түргэнник олоххо киирдэр.

Сюжет эфиргэ хаһан тахсар чопчу күнүн этэр кыаҕым суох, билигин таҥыахпытын наада.

Санаайа Иванова, СИА.

Следите за самым важным и интересным в Telegram-канале и WhatsApp-группе ЯСИА