Росгвардия үлэһиттэрэ Аҕа дойду Улуу сэриитин кыттыылааҕын, биэдэмистибэ бэтэрээнин Семен Колтовскойу төрөөбүт күнүнэн эҕэрдэлээтилэр.


Коронавирус дьаҥынан сибээстээн тэрилтэ эҕэрдэ суругун, бадаарагын, туордун Семен Иванович кыыһынан тиэртэ.

Семен Иванович Колтовской 1922 сыллаахха Бүлүү улууһун Кыргыдай нэһилиэгэр балаҕан ыйын 14 күнүгэр төрөөбүт. Аҕа дойду сэриитэ саҕаланыан иннинэ колхуоска биригэдьииринэн үлэлээбит. Сэрии ыар сылларыгар Семен Иванович бииргэ төрөөбүт быраата, төрөппүттэрэ хоргуйууттан, ыарыыттан өлбүттэр. Чугас дьонуттан эбэтэ эрэ хаалар. 1944 сыллаахха Семен сэриигэ бэбиэскэ тутар. Кини сэрииттэн Аҕа дойду 2-с степенэ уордьаннаах, «За боевые заслуги», «За победу над Германией», «За победу над Японией», «За безупречную службу» мэтээллэрдээх төннөр.

Сэрии кэннэ Семен Колтовской комсомол ыйыытынан дойду куттала суох буолуутун министиэристибэтигэр үлэлии барар. Кини манна сулууспатын Дьокуускайдааҕы милиция бастакы отделыгар постовойунан саҕалыыр. Үс сылынан ураты суолталаах эбийиэктэри маныыр эппиэтинэстээх үлэҕэ ананар. ССКП уобаластааҕы кэмитиэтин дьиэтин харабыллыыр милиция биэдэмистибэннэй салаатын хамандыырыгар тиийэ үрдүүр.

Росгвардия үлэһиттэрэ Семен Ивановичка чэгиэн доруобуйаны, чөл туругу, уһун дьоллоох олоҕу баҕардылар.

 

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.