28 Кулун тутар 28.03
  • -12°
  • $ 92,59
  • 100,27

Роман Дмитриев турнирыгар саха тустууктара кыһыл көмүс мэтээли ыллылар

15:07, 01 мая 2021
Текст:
Читайте нас на
Яндекс Новости
ЯДВ

Саха сирин тустууктара Александр Иванов уонна Харысхал Григорьев Роман Дмитриев сырдык аатыгар ыытыллар норуоттар икки ардыларынааҕы турнирга кыһыл көмүс мэтээли ыллылар. Бөҕөстөр түмүктүүр киирсиигэ ыалдьыт хамаандалар бэрэстэбиитэллэрин көбүөргэ тиэрэ быраҕаттаатылар, СИА суруйар.


57 кг дылы Харысхал Григорьев (Сунтаар улууһа) финалга бурят Эрдем Борогшоновы кытта киирдэ. Саха тустууга бастакы нүөмэринэн үлэлээтэ, ити эрээри утарылаһааччыта сатабыллаахтык көмүскэннэ. Бурятия бэрэстэбиитэлэ судьуйалар быһаарыыларынан 2 баалы сурунна, ити эрээри түмүккэ диэри 10 сөкүүндэ хаалыыта, Григорьев «ласточка» туттан, киһитин анныгар суулларда. Ахсаан — 4:2 Саха сирин тустуугун туһатыгар буолар.

Уус Алдан улууһуттан төрүттээх Александр Иванов киирсиитэ эмиэ чаҕылхайдык түмүктэннэ. Молдаванин Вадим Берегойу кытта туһунна. Саха бөҕөһө баһыйа тутта. Бастакы эргиир бүтүүтэ көхсүлээн, икки баалы сурунна, онтон ити ситиһиитин өссө тупсаран, хамаандаҕа өссө биир кыһыл көмүс мэтээли бэлэхтээтэ.

Следите за самым важным и интересным в Telegram-канале и WhatsApp-группе ЯСИА