19 Кулун тутар 19.03
  • -9°
  • $ 91,98
  • 100,24

Үөрэххэ киириигэ предметнэй олимпиадаҕа миэстэлэһии, оскуоланы мэтээллээх бүтэрии, ГТО нуорматын толоруу эбии бааллары биэрэр

15:40, 21 ноября 2017
Текст:
Читайте нас на
Яндекс Новости
ЯДВ

Ханнык баҕарар үөрэххэ киирэргэ биир кэлим эксээмэн (ЕГЭ) баалыгар эбии баалы ылыахха сөп. Ол туһунан чопчулаан суруйабыт.


Оскуола кэнниттэн үөрэххэ киириигэ оҕо тус ситиһиитин көрөр буоллулар. Ол курдук, эбии баалы ГТО нуорматын ситиһиилээхтик толордоххо, оскуоланы мэтээлинэн бүтэрдэххэ, араас олимпиадаларга, кэмпириэнсиэйлэргэ миэстэлэстэххэ ылыахха сөп. Ол эрээри, ханнык олимпиадаларга миэстэлэһии иһин эбии баал эбиллэрин үөрэх кыһата бэйэтэ быһаарар. Манна биири чопчулуур ирдэнэр. Оҕо улуус даҕаны таһымнаах олимпиадаҕа миэстэлэспит буоллаҕына, баал эбиллэр диэн толкуйдуур сыыһа. Оннук буолбатах!

2017-2018 үөрэх дьылыгар Хотугулуу-Илиҥҥи федеральнай университет 19 хайысхаҕа үөрэнээччилэр Хотугулуу-Илиҥҥи олимпиадаларын (СВОШ) ыытар. Итинтэн иккитэ Оскуола үөрэнээччилэрин Арассыыйатааҕы сэбиэтин испииһэгэр киирэр. Ити олимпиада хайысхатыгар миэстэлэспиттэргэ ХИФУ-ка туттарсарга 10 баалга диэри эбиллэр. Химияҕа уонна филологияҕа миэстэлэспиттэр (Ооскуола үөрэнээччилэрин олимпиадаларын Арассыыйатааҕы сэбиэтин испииһэгэр киирэр) Арассыыйа үрдүк үөрэхтэрин кыһаларыгар үөрэххэ туттарсалларыгар тургутууну ааһымыахтарын эбэтэр, өскөтүн, үөрэх уопсай биридимиэттэригэр биир кэлим эксээмэннэрин 75 баалтан үрдүккэ туттарбыт түгэннэригэр, уопсай бааллара 100 баалга тэҥнэһиэн сөп. Манна даҕатан эттэххэ, үөрэнээччилэр Хотугулуу-Илиҥҥи олимпиадалара (СВОШ) номнуо саҕаланнылар.

Быйыл, холобура, Хотугулуу-Илиҥҥи федеральнай университекка туттарсыбыттарга ГТО-ҕа кыһыл көмүс бэлиэҕэ — 2 баал, үрүҥ көмүскэ — 1 баал, оскуоланы кыһыл көмүһүнэн бүтэрбиттэргэ — 7 баал, үрүҥ көмүһүнэн бүтэрбиттэргэ — 5 баал, орто профессиональнай үөрэҕи туйгун сыананан бүтэрбиттэргэ 3 баал эбиллибитэ.

Онтон Саха судаарыстыбаннай тыа хаһаайыстыбатын академиятыгар оскуоланы кыһыл көмүс мэтээлинэн бүтэрбиттэргэ 5 баал, ГТО-ҕа кыһыл, үрүҥ көмүс бэлиэни ылбыттарга 4-түү баал эбии ааҕыллыбыта. Итини сэргэ Чугуновтуу уонна Илларионовтыы агро-ааҕыыларга миэстэлэспит, дипломант аатын сүкпүт оҕолорго 4-түү баал эбиллэр диэбиттэрэ.

Ити курдук, хас биирдии үөрэх кыһата бэйэтэ туспа ирдэбиллэрдээх. Онон туһааннаах үөрэх кыһаларыгар киирэн эрдэттэн билсэр, чопчулуур ордук.

Следите за самым важным и интересным в Telegram-канале и WhatsApp-группе ЯСИА