2018 сыл үөрэххэ тус сыаллаах ылыы бастакы түһүмэҕин түмүктэринэн ыыппыт брифинигэр Саха сирин үөрэҕириитин уонна наукатын миниистирэ Михаил Присяжнай сорох оройуоннарга халаантан үөскээбит балаһыанньа оскуоланы бүтэрээччилэргэ Биир кэлим судаарыстыбаннай эксээмэни туттаралларыгар мэһэйдиэ суоҕун туһунан эттэ.
“Халаантан эмсэҕэлээбит 18 нэһилиэк туһунан чахчылар биһиэхэ бааллар. Биһиги оҕолору биирдиилээн сирэй билэбит, ханна көһөрүллүбүттэрин, хайа ыалга баалларын. БКЭ-ни ыытарга саппаас миэстэлээхпит”, — диэн иһитиннэрдэ Михаил Присяжнай.
Артемий Грошев.