Балаҕан ыйын 13 күнүгэр Саха сирин киин куоратыгар СӨ Үөрэҕин уонна наукатын министиэристибэтэ, СӨ Култууратын уонна духуобунай сайдыытын министиэристибэтэ кыттыылаах төгүрүк остуол ыытыллар. Сарсыныгар Суорун Омоллоон аатынан Опера уонна балет тыйаатырыгар өрөспүүбүлүкэ уопсастыбаннаһын үөрүүлээх мунньаҕа буолуоҕа.
Ньурбаҕа Саха сирин үөрэҕин систиэмэтин саамай уустук кэмнэргэ салайбыт, киэн туттар аатырбыт биир дойдулаахтарын үбүлүөйдээх сылын бу күннэргэ үрдүк таһымҥа бэлиэтээтилэр. Манна Семен Семенович хаан-уруу сиэннэрэ Сергей Сюльскай уонна Надежда Пермикина, үөрэх уонна наука миниистирин солбуйааччыта Юрий Семенов, Ил Түмэн дьокутааттара Антонина Григорьева уонна Владимир Прокопьев, Арктическай култуура уонна искусство институтун ректора Саргылана Игнатьева,»Бичик» национальнай кинигэ кыһатын салайааччыта Август Егоров уо.д.а кыттыбыттара тэрээһин суолтатын үрдэттэ.
Геннадий Антонов
