Өрөспүүбүлүкэ үрдүнэн 649 оскуола интернет көмөтүнэн, 307 очно-заочно, 342 оскуола үгэс быһыытынан үөрэнэр. Бу туһунан үөрэх министиэристибэтэ иһитиннэрэр.
Коронавирус ыарыытын тарҕаппат туһуттан үөрэх министиэристибэтэ үөрэҕи тэрийиигэ сүбэлэри бэлэмнээтэ. Ол курдук 5000 тыһ тахса нэһилиэнньэлээх пууннарга үөрэҕи:
- 1, 2, 3, 4 кылаастарга олоҕурбут быһыынан, оскуолаҕа баран үөрэниини, кылаастары кыра бөлөххө араарбакка үөрэтэри сүбэлиир;
- 3, 4 кылаас үөрэнээччилэрэ интернет көмөтүнэн итиэннэ оскуолаҕа баран үөрэниэхтэрин сөп.
- 9, 11 кылаас үөрэнээччилэрэ сүрүн биридимиэттэргэ оскуолаҕа баран үөрэнэллэр. Маныаха кылаастары бөлөххө араарар наадата суох. Атын биридимиэттэргэ үөрэнээччилэр интернет көмөтүнэн эбэтэр оскуолаҕа баран үөрэниэхтэрин сөп.
- 5, 6, 7, 8, 10 кылаастар үксүн дистанционно үөрэниэхтэрэ.
Министиэристибэ сүбэлэригэр олоҕуран бүтэһиктээх быһаарыныыны улуустар, куорат салалталара бэйэлэрэ ылыналлар. Маныаха оҕо доруобуйата бастакы күөҥҥэ буолуохтаах.
Үөрэх министиэристибэтэ уопсастыбаннай тырааныспарга, элбэх дьон тоҕуоруһар сиригэр мааска кэтэ сылдьары, дьонтон тэйиччи туттары сүбэлиир. Ыарыы сибикитин билбит буоллаххытына бырааска этэргит булгуччулаах.
