29 Кулун тутар 29.03
  • -11°
  • $ 92,26
  • 99,71

Регионнааҕы баалабай бородуукта өрөспүүбүлүкэбитигэр 906 млрд. солк. тэҥнэспит

16:12, 31 января 2018
Текст:
Читайте нас на
Яндекс Новости
ЯДВ

Ил Дархан Егор Борисов судаарыстыбабыт 100 сылын көрсө, 2022 сылга регионнааҕы баалабай бородуукта 1 трлн. солк. (биирдии киһиэхэ тиксэринэн 1 мөл. солк.) буолуохтаах диэн турар. Былырыыҥҥы сыл түмүгүнэн, бу көрдөрүү 906 млрд. солк. тэҥнэстэ.


Регионнааҕы баалабай бородуукта (РББ) экономика бары көрдөрүүлэрин түмэр. Манна промышленноска, тыа хаһаайыстыбатыгар, тутууга, тырааныспарга, о.д.а. туох оҥорон таһаарыллыбыта, атыыга-эргиэҥҥэ, өҥөҕө төһө харчы хамсаабыта барыта ааҕыллар. Бу көрдөрүүлэри Судаарыстыбаннай статистика сулууспата кэтээн көрөр.

Былырыыҥҥы сыл түмүгүнэн, регионнааҕы баалабай бородуукта өрөспүүбүлүкэбитигэр 906 млрд. солк. тэҥнэспит. Бастакы вице-премьер-экономика миниистирэ Михаил Осипов бэлиэтээбитинэн, ити 2016 сылы кытары тэҥнээтэххэ, 2,2 % үрдээбит. Ити Уһук Илин регионнар уопсай регионнааҕы баалабай бородуукталарыттан 20 % ылар.

Статистиканы ылан көрдөххө, 2011 сылтан экономикабыт сайдыыта биллэ тэтимирбит. Холобур, уонча сыллааҕыта, 2007 с. РББ 243 млрд. солк. буоллаҕына, 2010 с. – 387, 2011 с. – 487, 2012 с. – 541, 2013 с. – 570, 2014 с. – 658, 2015 с. – 750, 2016 с. – 804 млрд. солк. тэҥнэспит. Бу үрдээһиҥҥэ сүрүн оруолу промышленноспыт сайдыыта, инвестицияны тардыы, атыы-тутуу хамсааһына ылаллар. Ити “Схема-2020” былааннааһын, сүрүннээн, олоххо киирбитин туоһулуур.

Даҕатан эттэххэ, 2016 сыллааҕы көрдөрүүбүтүнэн Россияҕа инники күөҥҥэ тахсан, былырыын Саҥа Дьыл саҕана федерация регионнарга түҥэппит эбии дотациятыгар (2,5 млрд. солк.) тиксибиппит. Бу бириэмийэни 85 регионтан бастыҥ үлэлээх 40 регион ылбыта.

Следите за самым важным и интересным в Telegram-канале и WhatsApp-группе ЯСИА