Саха сиригэр коронавирус инфекцията тарҕамматыгар анаан, аэропортарга, тимир суол ыстаансыйаларыгар Роспотребнадзор санитарнай-харантыынныыр пуунун исписэлиистэрэ дьуһуурустубалары олохтууллар.
Биэдэмистибэ иһитиннэрбитинэн, Дьокуускай, Мирнэй, Удачнай, Ленскэй уонна Нерюнгри куораттарын аэрэпортарыгар бүтэһик нэдиэлэтээҕи бэрэбиэркэ түмүгүнэн, обсерватордарга 37 пассажир ыытылынна, 597 киһи «самоизоляцияланарга» сурук тутта.
Тимир суол ыстаансыйаларыгар эмиэ үлэлииллэр. 974 киһи бэрэбиэркэлэннэ, ол иһигэр 5 киһи тас дойдуттан кэлбит. Барыларыгар «самоизоляцияҕа» сурук туттарылынна.
Пассажирдар бары анкета толороллор уонна Роспотребнадзор исписэлиистэригэр туттараллар. Анкетаҕа ханнык дойдуттан кэлбитэ, ханна олороро, төлөпүөнэ суруллар. Докумуон ыарыы булуллар түгэнигэр санитарнай-эпидемиологическай чинчийиигэ туттуллуон сөп.
