29 Кулун тутар 29.03
  • -10°
  • $ 92,26
  • 99,71

"Үрүҥ түмэн" атыттарга холобур

10:36, 15 февраля 2016
Текст:
Читайте нас на
Яндекс Новости
ЯДВ

Ньурба оройуонун үөрэҕириитин үлэһиттэрин олунньутааҕы мунньахтарын чэрчитинэн оҕо уопсастыбаннай хамсааһынын тула кэпсэттилэр. Тэрээһиҥҥэ «Дьулуур» оҕо өрөспүүбүлүкэтээҕи хамсааһынын салайааччыта Геннадий Охлопков кыттыыны ылла. 


«Манна олоххо көхтөөх көрүүлээх оҕолор эрэ буолбакка, оройуон салайааччылара, социальнай партнердар, төрөппүт кэмитиэттэрэ кыттыыны ылбыттара, тэрээһин олус дириҥ ис суолталааҕын бэлиэтээтэ», — диэн кэпсиир Геннадий Охлопков.

Антоновкатааҕы Светлана Борисова салайааччылаах «Үрүҥ түмэн» уопсастыбаннай тэрилтэҕэ буолбут тэрээһиҥҥэ оскуола дириэктэрэ Иван Гаврильев, оскуола музейын сэбиэдиссэйэ Прасковья Михайлова оҕо хамсааһынын үлэтин билиһиннэрдилэр. Дириэктэр Геннадий Иванович иһитиннэрбитинэн, бу хайысханан үлэлииргэ кинилэр оскуолаларыгар туох-баар усулуобуйа тэриллибит: звенонан үлэлииргэ үс тэрийээччи, кабинет, холл баар, бары анал формалаахтар, атрибутикалаахтар. «Оскуола музейыттан саҕалаан нэһилиэк баһылыгар тиийэ биир ситим үлэ барар», — диэн кэпсээтэ дириэктэр.

«Антоновкатааҕы оскуола иһинэн үлэлиир оҕо хамсааһына бэйэлэригэр эрэ буолбакка, бүтүн өрөспүүбүлүкэ оҕолоругар, үлэһиттэргэ холобур буолаллар. Бэйэлэрин инникини өтө көрүүлэринэн, санааларынан-оноолорунан, чуолкай дьыалаларынан, кырдьык, уопсастыба болҕомтотун ылаллар», — диэн салгыы Геннадий Охлопков кэпсиир.

Өрөспүүбүлүкэтээҕи оҕо хамсааһынын салайааччыта Геннадий Охлопков  оройуон салалтатын кытта көрсөн муниципалитеттарга оҕо хамсааһынын сайыннарыыга былааны билистэ, инники үлэни торумнаатылар. Итиэннэ оҕо хамсааһыннарын лидердарын кытта сүбэ мунньах, салайааччыларыгар семинар ыытта.

Следите за самым важным и интересным в Telegram-канале и WhatsApp-группе ЯСИА