Өрөспүүбүлүкэ үрдүнэн 25 айылҕа баһаарын умулуннараллар. Итинтэн 11 бохсулунна. Уопсайа 149 га сир уокка былдьанна. Уоту умулуннарыыга 137 парашютист уонна десантник-баһаарынай, 106 ойуур харыстабылын үлэһитэ, 203 олохтоох нэһилиэнньэ, 50 анал тиэхиникэ үлэлиир.
Айылҕа харыстабылын министиэристибэтин пресс-сулууспатын иһитиннэриитинэн, ыам ыйын 11 күнүттэн Амма, Үөһээ Бүлүү, Бүлүү, Горнай, Мэҥэ-Хаҥалас, Нам, Ньурба, Сангаар, Сунтаар, Таатта, Уус Алдан, Уус Маайа, Хаҥалас, Чурапчы, Дьокуускай сирдэригэр баһаар туруон сөптөөх кэмэ (пожароопасный сезон) олохтоммут.
Ыам ыйын 17 күнүттэн — Алдан, Үөһээ Дьааҥы, Эдьигээн, Индигиир, Халыма, Ленскэй, Мииринэй, Нерюнгри, Өлүөхүмэ, Томпо улуустара эбиллибиттэр.
Айылҕа харыстабылын министиэристибэтэ ойуурга уоттан сэрэхтээх буоларга ыҥырар.
