Өрөспүүбүлүкэ үрдүнэн 22 ойуур баһаарын умуруорууга үлэлэһэллэр, 10-на бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.


Уот 241,50 га сири сиэтэ. Биэс баһаары Дьааҥы улууһугар, үһү Мэҥэ-Хаҥалас, Нерюнгри, икки уоту Горнай, Томпо, Чурапчы улуустарыгар, биирдиини Үөһээ Бүлүүгэ, Намҥа, Уус Алдаҥҥа, Ленскэйгэ, Муомаҕа умуоруораллар.

Ааспыт сууккаҕа алта уоту Намҥа, Үөһээ Бүлүүгэ, Горнайга, Кэбээйигэ, Мииринэйгэ умуруордулар. Ыраах сытар ойуурдарга 15 ойуур баһаарын тохтоттулар. Баһаары умуруорууга 359 киһи, 38 техника үлэлээтэ.

Ыраах сытар 294 103 га иэннээх сиргэ 75 уот көрдүгэнэ баара биллэр. Балары космостан маныыллар.

Баһаардар нэһилиэктэргэ, экономика эбийиэктэригэр кутталлара суохтар диэн министиэристибэ пресс-сулууспата иһитиннэрэр.

Экология министиэристибэтэ ойуурга уот көрдүгэнин көрбүт буоллаххытына 8-4112-44-74-76 эбэтэр 8-800-100-94-00 нүөмэрдэргэ эрийэн биллэрэргитигэр көрдөһөр. Ойуурга уоту сэрэхтээхтик туттаргытыгар ыҥырар.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.