Өрөспүүбүлүкэ үрдүнэн 11 ойуур баһаарын умуруораллар. Бу туһунан айылҕа харыстабылын министиэристибэтэ иһитиннэрэр.
Ойуур баһаардара Алдан, Горнай, Чурапчы, Таатта улуустарыгар умайаллар. Алта уоту Горнай, Алдан, Таатта улуустарыгар төгүрүттүлэр. Баһаар 836 га сири сиэтэ.
Ааспыт сууккаҕа 6 уоту Өлүөхүмэ, Амма, Таатта, Уус-Алдан, Чурапчы улуустарыгар умулуннардылар. Баһаардарга 366 киһи, 74 техника үлэлээтэ.
Ыраах сытар 453 га иэннээх сиргэ 14 уот көрдүгэнэ баара биллэр. Балары космическэй сириэстибэлэринэн кэтииллэр. Баһаардар нэһилиэктэргэ, экономика эбийиэктэригэр суоһаабаттар.
