Өрөспүүбүлүкэ үрдүнэн 10 ойуур баһаарын умуруорууга үлэлэһэллэр, онтон 8 бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Уот 1 930 га сири сиэтэ. Ааспыт сууккаҕа алта уоту Дьааҥы (Мачах, Тала), Муома (Хонуу, Кулун-Өлбүт), Орто Халыма (Арҕахтаах), Таатта (Чымнаайы) нэһилиэктэригэр, ыраах сытар сирдэргэ 41 ойуур баһаарын умуруордулар. Уоту умулуннарыыга 390 киһи, 47 техника үлэлээтэ.
Ыраах сытар 250 498 га иэннээх сиргэ 75 уот көрдүгэнэ баара биллэр. Балары космическэй сириэстибэлэринэн кэтииллэр. Баһаардар нэһилиэктэргэ, экономика эбийиэктэригэр суоһаабаттар.