Чугастааҕы сылларга Уһук Илин дойду экэниэмикэтин, саҥаны киллэриитин уонна култууратын хамсатааччынан буолуоҕа. Бу туһунан Владимр Путин Владивостокка ыытыллыбыт форум кэмигэр эттэ. Бэрэсидьиэн этэринэн, Уһук Илини сайыннарыы дойдуга уһулуччу суолталаах, диэн СИА иһитиннэрэр.
Путин Уһук Илини сайыннарыы тиһиктээхтик, уһун болдьохтоохтук ыытылларын санатта.
“Уһук Илин дойду экэниэмикэтин, инновациятын уонна култууратын бу сылларга күүскэ хамсатыаҕа”, — диэн судаарыстыба баһылыга бэлиэтээтэ.
Регион салгыы сайдыытын туһунан этэригэр кини экэниэмикэҕэ “көҥүл тыына” баһыйарыгар, дьыалабыай көҕүлээһиннэргэ кыах биэрэргэ ыҥырда. Бу Уһук Илин үрдүк сайдыыны ситиһэригэр, аан дойду экэниэмикэтигэр уонна эргиэҥҥэ тутаах кыттааччынан буоларыгар кыаҕы үөскэтэр.
Арассыыйаҕа Уһук Илин уһулуччу суолталааҕын быһыытынан Уһук Илини сайыннарыы бырагыраамата торумнаныаҕа.
Алена Павлова.
