Путин сөмөлүөккэ босхо илдьиллиэхтээх тутуур таһаҕас нуорматын «көтүрдэ»

0
245

Анал быраабылаҕа олоҕуран, сөмөлүөккэ тутуур таһаҕас быһыытынан босхо дьахтар суумкатын, бартыбыалы, кинигэни, суотабай төлөпүөнү, видеокамераны, торуосканы, тас таҥаһы илдьэ киирэр кыахтаах этибит. Мантан атын таһаҕас төлөбүрдээх этэ. Ол эбэтэр, биэс киилэни куоһарда даҕаны төлөнөр.


Ити быраабыланы көтүрэргэ аналлаах сокуоҥҥа дойду президенэ Владимир Путин илии баттаата. Сокуон тиэкиһэ бу өрөбүлгэ анал порталга таҕыста. Ол курдук, мантан инньэ авиахампаанньалар пассажир тутуур таһаҕастаах эрэ (дьоҕус суумка, бартыбыал, үрүксээк) буоллаҕына, төлөбүрү ылыа суохтаахтар.

Итини тэҥэ, сокуон чэрчитинэн, хас биирдии пассажир 10 киилэҕэ диэри таһаҕаһы босхо илдьиэхтээҕин туһунан нуорма эмиэ көтүрүлүннэ. Бу нуорма төннөрүллүбэт билиэккэ эрэ «үлэлиир». Саҥа уларыйыы киирэн эрэриттэн сибээстээн, төннөрүллүбэт билиэт сыаната 10-20 % түһүөн сөп диэн сабаҕалыыллар.

0
0
[the_ad_group id="742"]