29 Кулун тутар 29.03
  • -10°
  • $ 92,26
  • 99,71

Путин 2018 сыл ыам ыйын 1 күнүттэн киһи тиийинэн олорор алын кээмэйигэр диэри МРОТ-у үрдэтэр туһунан сокуоҥҥа илии баттаата

15:48, 09 марта 2018
Текст:
Читайте нас на
Яндекс Новости
ЯДВ

РФ бэрэсидьиэнэ Владимир Путин 2018 сыл ыам ыйын 1 күнүттэн киһи тиийинэн олорор алын кээмэйигэр диэри хамнас алын кээмэйин (МРОТ) үрдэтэр туһунан сокуоҥҥа илии баттаата.


Сокуону Судаарыстыбаннай Дуума олунньу 16 күнүгэр ылыммыта уонна Федерация Сэбиэтэ олунньу 28 күнүгэр бигэргэппитэ.

Билиҥҥи туругунан МРОТ ыйга 9489 солкуобайынан быһыллан турар. Бу былырыын ахсынньы ыйга ылыныллыбыт сокуоҥҥа олоҕуран ылыныллыбыта, итиннэ МРОТ 2019 сыл тохсунньу 1 күнүттэн тиийинэн олорор кээмэйгэ тэҥнэһиэхтээх диэн олохтоммута. Ити эрээри тохсунньу 10 күнүгэр бэрэсидьиэн хамнас алын кээмэйэ 2019 сыл тохсунньу ыйыгар буолбакка, 2018 сыл ыам ыйыттан улаатыа диэбитэ. Туһааннаах сокуон барылын Судаарыстыбаннай Дуумаҕа киллэрбитэ.

Онон саҥа сокуоҥҥа олоҕуран, 2018 сыл ыам ыйын 1 күнүттэн МРОТ кээмэйэ ыйга 11 тыһ. 163 солкуобайга тэҥнэһиэҕэ.

Кулун тутар 6 күнүгэр Аллараа Тагилга үлэһит ыччаты кытта көрсүһэригэр Путин МРОТ үрдэтии Россия 4 мөлүйүөн олохтооҕун материальнай балаһыанньатын тупсарыаҕа диэбитэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар