навахту14.рф. бырайыак көмөтүнэн промышленность эйгэтигэр үлэлиэн баҕалаахтары үлэнэн хааччыйыахтара. Бастакы «хараҥаччыларынан» «Полиметалл» тэрилтэ 70 үлэһитэ буолуохтара.
Бырайыак туһунан ахсынньы 19 күнүгэр Ил Дархан Айсен Николаев Томпо улууһугар сырыытын кэмигэр иһитиннэрдилэр. Манна эһиил Нежданинскайдааҕы көмүс баайдаах сиргэ фабрика үлэҕэ киирэрэ былааннанар. «Фабрика аһылыннаҕына, саҥа үлэ миэстэлэрэ тахсыахтара, олохтоох дьон үлэнэн хааччыллыахтара. Маныаха көҕүлүүр үлэ улуус баһылыктарын өттүттэн күүскэ барыахтаах», — диэтэ Айсен Николаев.
Билиҥҥитэ «навахту14.рф» саайтка 1819 киһи үлэлиэн баҕарарын туһунан сайаапкатын хаалларбыт, итинтэн 416-та «бэлэм» резюмелар. Портал саҥаттан үлэнэн хааччыйарын таһынан билиҥҥи үлэлэрин уларытыан баҕалаах дьоҥҥо эмиэ туһалаах буолуо.
«навахту14.рф» саайт улуус дьаһалталарын кытары ыкса үлэлиэ. Офис үлэлиэн баҕалаахтары собеседованиеҕа бэлэмниэ, эбии үөрэтиэ. Маны таһынан докумуоннарын бэлэмнииргэ көмөлөһүө.
