29 Кулун тутар 29.03
  • -15°
  • $ 92,26
  • 99,71

Промышленнай хампаанньалар ХИФУ дьаарбаҥкатыгар 250-тан тахса вакансияны туруордулар

10:56, 13 сентября 2019
Текст:
Читайте нас на
Яндекс Новости
ЯДВ

ХИФУ-га ыытыллыбыт гаас уонна ньиэп бөдөҥ тэрилтэлэрин дьаарбаҥкатыгар сүүһүнэн устудьуон уонна үлэ көрдөөччү сырытта. Тэрээһин балаҕан ыйын 12 күнүгэр «Олохтоох кадры промышленноска» диэн республикатааҕы приоритетнай проект чэрчитинэн ыытылынна, диэн иһитиннэрэр СИА.


«Саха сирин территориятыгар ньиэп-гаас хайысхатыгар үлэлиир аҕыс тэрилтэ барыта 250-тан тахса инженернай уонна оробуочай профессияларга вакансиялары туруордулар», — диир СӨ дьарыктаах буолууга кэмитиэт бэрэссэдээтэлэ Степан Москвитин.

Дьаарбаҥкаҕа кытыннылар: «Газпром трансгаз Томск» ХЭТ, «Газпром добыча Ноябрьск» ХЭТ, «Сахатранснефтегаз» АУо,  «ЯТЭК» ПАУО, «Саханефтегазсбыт» АУо, «РНГ» Ауо, «Таас-Юрях нефтегазодобыча» ХЭТ, ПАО «Сургутнефтегаз» ПАУо.

Тэрээһиҥҥэ кыттыбыт дьон ордук «инженер по наладке и испытаниям», «мастер по добыче нефти и газа», «ведущий инженер-механик цеха подготовки и перекачки нефти», «буровой супервайзер» вакансиялары интэриэһиргээтилэр. Үлэни биэрээччилэр этиилэринэн, орто хамнас 57 тыһ.солк..

Үөһэ этиллибит хампаанньалары таһынан дьаарбаҥкаҕа 9963 үлэ миэстэтин 22 сири байытар үлэнэн дьарыктанар тэрилтэ туруорда.

«Үлэ баар. Саамай кылаабынайа ыччат туруоруллар ирдэбиллэргэ эппиэттиэхтээх, үлэҕэ сыаллаах уонна тиһэҕэр тиийэ туруулаһыахтаах«, — диэн бэлиэтээтэ Москвитин.

Кини этэринэн, быйылгы дьылга 7 тыһ. киһини үлэнэн хааччыйыыга Айсен Николаев туруорбут соруга туолар кыахтаах. Билигин регион бюджетын суотугар кадры хаттаан үөрэтии программата үлэлиир. Барыта 3,5 киһи үөрэнэр.

Промышленность уонна геология миниистирэ Максим Терещенко бэлиэтээбитинэн, «Таас-Юрях Нефтегазодобыча» хампаанньа 30% үлэһитэ – республика олохтооҕо, оттон «Газпром трансгаз Томск» бу сыыппара  80% тэҥ.

«Саха сирин олохтоохторо сөптөөх усулуобуйаҕа үлэлээн, дьоһуннаах хамнастаах буолуохтаахтар. Үөрэх тэрилтэлэрэ маны өйдүүллэр, ол иһин туруоруллубут соругу толорууга бэлэмнииллэр. Устудьуоннар хампаанньаларга практикаларын бараллар. Саастаах өттө хат үөрэхтээһини ааһаллар. Олохтоох кадры промышленноска сыһыарыыга бу үлэ салгыы ыытыллыа. Үтүө түмүккэ бары бииргэ үлэлиибит», — диэтэ миниистир.

Следите за самым важным и интересным в Telegram-канале и WhatsApp-группе ЯСИА