Приморье губернаторын э.т. Олег Кожемяко балыксыттар ассоциацияларыгар балык сыанатын хонтуруоллуулларыгар этии киллэрдэ. Кини саныырынан, ассоциация балыксыттары, эргиэни уонна былааһы ситимниэхтээх.
Приморьеҕа ыытыллыбыт Балыксыттар норуоттар икки ардыларынааҕы конгресстарын кэмигэр Кожемяко былаас уонна балыксыттар балык салаатыгар сыананы кыайан хонтуруоллаабаттар, диэтэ.
“Кинилэр балык хас да киэҥник биллэр көрүҥэр дуогабардаһыахтарын наада. Региоҥҥа бултанар балык квотатыттан 5-10 быр. ис рынокка хаалларарга. Оччоҕуна уопсастыба, нэһилиэнньэ балык салаатыгар, сыанатыгар интэриэстээх буолуоҕа”, — диэтэ Кожемяко.
Норуоттар икки ардыларынааҕы конгресс Владивостокка “Балык салаата – сайдыы саҥа түһүмэҕэ” девизтээх ыытылынна. Тэрээһиҥҥэ балык бырамыысыланнаһын 500 бэрэстэбиитэлэ кытынна.
This post was published on 15.10.2018 16:35 16:35