Предпринимательство миниистирэ Арктика улуустарыгар сылдьан, дьоҕус бизнеһи сайыннарыыга көрүүлэрин билистэ

0
66

Быйылгы ситэриилээх былаас отчуотугар СӨ Инвестиция сайдыытын уонна предпринимательство дьыалатын миниистирэ Антон Сафронов Арктика улуустарыгар сырытта.


Ханна сылдьан тугу билбитин-көрбүтүн миниистир фейсбук уонна инстаграмм социальнай ситимнэригэр «сылааһына»  сиһилии кэпсиирэ олус кэрэхсэбиллээх.

Ол курдук, Антон Сафронов Чокурдааахха үрдүкү кылаас оҕолорун кытта көрүстэ. Кини спортивнай саалаҕа ыччаттары уонна үөрэнээччилэри мунньан, хоту дойдуга дьоҕус бизнес сайдыытын туһунан кэпсэттэ.

Сэлии муоһун хомуйан туһаҕа таһаарыы — биир суолталаах боппуруос. Арктика улуустарыгар сылдьан миниистир бу хайысхаҕа үлэлэһэр дьону кытта сирэй көрсөн кэпсэттэ, кинилэр санааларын уонна толкуйдарын билистэ.

Абый улууһугар Кэбэргэнэ нэһилиэгэр миниистир олохтоохтору кытта анаан көрүстэ. Манна кини урутаан сайдар территориялары сайыннарыыга туспа көрүүлээх Лидия Черемкинаны кытта көрсөн, олохтоох ыччаты үлэлээх оҥорууга санаатын атастаста.

Промышленнай бырайыактары олоххо киллэриигэ Абый улууһугар баар биэс ураты харыстанар сир-уот баарын учуоттуурга санаатын тиэртэ.  Миниистир Антон Сафронов Лидия Черемкинаны урутаан сайдар территориялары сайыннарыыга сыһыаннаах боппуруостары быһаарар бөлөх састаабыгар киллэриэхпит диэн социальнай ситимнэргэ санаатын суруйда.

Онон ситэриилээх былаас отчуотугар сылдьан, быыс булан урбаанньыттары , үлэтэ суох дьону,  Арктика улуустарыгар дьоҕус бизнеһи сайыннарыыга миниистир Антон Сафронов олохтоох кэпсэтиилэри ыытта.

0
0