29 Кулун тутар 29.03
  • -13°
  • $ 92,26
  • 99,71

Полиция күүһүрдүллүбүт режиминэн үлэлиир

14:46, 05 июля 2016
Читайте нас на
Яндекс Новости
ЯДВ

“Азия оҕолоро” VI спортивнай оонньуу бүгүҥҥүттэн саҕаланна. Эрдэ иһитиннэрбиппит курдук, бу күннэргэ 2 тыһыынчаттан тахса полицейскай куттал суох буолуутун хааччыйыыга, уопсастыбаннай бэрээдэги көрүүгэ-истиигэ  таҕыста.

СӨ ИДьМ-тын пресс-сулууспата иһитиннэрбитинэн, полиция үлэһиттэрэ спортивнай оонньуулар ыытыллар кэмнэригэр күүһүрдүллүбүт режиминэн сулууспалыыллар. Кутталлаах дьайыылары сэрэтэр сыалтан, киин куорат уулуссаларыгар, спортсменнар, ыалдьыттар олорор, аһыыр, күрэхтэһиилэр ыытыллар сирдэригэр анал тэрээһиннэр ыытыллыбыттар. Оттон оонньуулар ыытыллар кэмнэригэр 500 м тула баары барытын бэрэбиэркэлиэхтэрэ.

Маны тэҥэ, учуокка турар дьону, омук гражданнарын, сэптээх-сэбиргэллээх дьону бэрэбиэркэлээбиттэр.

Хас биирдии хамаандаҕа Ис дьыала министиэристибэтин уонна Дьокуускай куорат полициятын үлэһиттэрэ сыһыарыллыбыттар.

Патруллааһыннар спортивнай эбийиэктэргэ уонна делегациялар олохсуйбут сирдэригэр ыкса чугаһатыллыбыттар.

Полиция маннык эппиэтинэстээх улахан тэрээһин үрдүк таһымнаахтык, этэҥҥэ ааһарыгар бары сыратын уурар.

Следите за самым важным и интересным в Telegram-канале и WhatsApp-группе ЯСИА