Забайкальскай кыраайга Саха Өрөспүүбүлүкэтин олохтооҕун былаас бэрэстэбиитэлин сулууспатын эбээһинэстэрин толорор кэмигэр үөҕүүгэ уонна күүһү туттууга буруйдааҕынан билиннилэр.

edersaas.ru


Суут быһаарбытынан, олунньу 28 күнүгэр Ярулин поеһынан Нерюнгриттан Хабаровскайга айаннаан иһэн, итирэн баран, вагоҥҥа бэрээдэги кэспит, ыыс-бурут тылларынан үөхсүбүт, ол эбэтэр, РФ Административнай кодексатын 20.1 ыст. 1 чааһын кэспит — күлүгээннээбит.

Маныаха атын айанньыттар уонна поезд биригээдэтэ истэ-көрө турдахтарына, административнай боротокуолу толоро олорор транспортнай полиция үлэһитин үөхпүт, ону ааһан, тэппит. Ол кэнниттэн кинини поезтан таһаарбыттар.

Мировой суут уурааҕынан, Ярулин 70 тыһ. солк. сууммалаах ыстараап төлүүр.

Бу туһунан РФ Силиэстийэлиир кэмитиэтин Илин-Сибиирдээҕи тырааныспарга управлениета иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

0

1
0
0
comments powered by HyperComments