Ааспыт бээтинсэҕэ, ол эбэтэр, муус устар 13 күнүгэр, Дьокуускай куорат полициятын ДПС батальонун полицейскайдара — лейтенант Алексей Окоемов уонна младшай лейтенант Анатолий Иванов — Жорницкай уулуссатынан ааһан испиттэр…


Сарсыарда 06.00 чаас саҕана Клара Цеткин уулуссатыгар хойуу буруо тахсарын көрөн, тута онно ыстаннарбыттар.

Ол айаннаан иһэн, чугаһаан өйдөөн көрбүттэрэ — хара буруо 10 №-дээх мас дьиэ иккис этээһин түннүгүттэн тахсар эбит. Тута подъезка сүүрэн киирэн, ааннары тоҥсуйталаан, дьону уһугуннартаабыттар, баһаарынайдары уонна «суһал көмөнү» ыҥырбыттар.

Буруо тахсар кыбартыыратын тоҥсуйа сатаан баран, ааны алдьатан киирбиттэр. Уонна буруо быыһыгар дьыбааҥҥа сытар киһини көрбүттэр.

Буруоҕа туймаарыйбыт киһини дьиэттэн көтөҕөн таһааран, сонно тиийэн кэлбит медиктэргэ туттарбыттар.

Аҕыс кыбартыыраттан олохтоохтору барыларын таһаарбыттар. Ити быыһааннар уонна баһаарынайдар уоту умуруоран, дьолго, ким да эмсэҕэлээбэтэх.

Биһиги корр., «Саха сирэ» хаһыат, edersaas.ru

Хаартыскалар уонна видео: СӨ ИДьМ-тын пресс-сулууспата

0
0
comments powered by HyperComments