Россия Почтатын Саха сиринээҕи салаатын салайааччытынан Андрей Суслов ананна. Бу туһунан тэрилтэ пресс-сулууспата иһитиннэрдэ.
Бу иннинэ Андрей Суслов дириэктэри логистикаҕа солбуйааччынан үлэлээбитэ. Кини тиэхиньиическэй уонна юридическэй идэлэрдээх. «Сельхозэнерго», «Якутгазпром», «Ростелеком», «Центрлес» тэрилтэлэргэ үлэлээбит. Россия Почтатыгар 2013 сылтан баар.
«Россия Почтата» макрорегион Уһук Илиннээҕи салайааччыта Виталий Смирнов этэринэн, саҥа анаммыт управляющай нэһилиэнньэни эбии өҥөлөрүнэн хааччыйар соруктаах.
