29 Кулун тутар 29.03
  • -15°
  • $ 92,26
  • 99,71

Петр Гоголев Ил Түмэн бэрэссэдээтэлинэн талылынна

15:35, 25 сентября 2018
Текст:
Читайте нас на
Яндекс Новости
ЯДВ

Саха сирин Судаарыстыбаннай Мунньаҕын (Ил Түмэн) бэрэссэдээтэлинэн Петр Гоголев буолла. Киниэхэ 67 киһи куоластаата уонна биир эрэ киһи туттунна.

Петр Гоголев этэринэн, бастакы мунньах Саха сирин судаарыстыбаннаһын күнүн чугаһыгар буолара бэлиэ түгэнин бэлиэтээтэ.

“Итэҕэли толоруохтаахпыт, парламент үлэтин ис хоһоонунан бүгүн Саха сирин олохтоохторун тупсаҕай олохторун туһугар эппиэтинэс эрэ буолбатах. Биһиэхэ кэлэр кэскили итэҕэйдилэр. Арассыыйа хамсатыылаах научнай-техническэй, социальнай-экономическай сайдыытын туһугар биһиги иннибитигэр нэһилиэнньэ ахсаанын элбэтии, дьон олоҕун таһымын үрдэтии соруга турар. Саҥа парламеҥҥа Арассыыйа атын регионнарын сокуону оҥорор мунньахтарын кытта быһаччы сибээһи бөҕөргөтүүгэ үлэни салгыыр сорук турар, ордук Уһук Илини уонна Арктика зонатын иһигэр киирээччилэри кытта”, — диэн бэлиэтээтэ Петр Гоголев.

Парламент саҥа спикерэ эппитин курдук, Ил Түмэн үлэтэ Айсен Николаев быыбар иннинээҕи бырагырааматын олоххо киллэриини уонна быыбардааччылар накаастарын толорууну кытта сибээстээх буолуоҕа. Бырабыыталыстыба саҥа састаабын кытта саҥа парламент бииргэ үлэлиэҕэ. Сүрүн хайысхалартан биирдэстэринэн Гоголев былаас бастакы эшелонун быһыытынан олохтоох салайыныыны ааттаата. Кинилэртэн Ил Түмэн “сокуоннаһы сайыннарыыга сонун идеялары кэтэһэр”.

Гоголев саныырынан, Судаарыстыбаннай Мунньах бэрэссэдээтэлин иһинэн мэлдьи үлэлиир сүбэлэһэр уорган наада, бу иһигэр норуот дьокутааттара, ааспыт ыҥырыылар парламеннарын салайааччылара киириэхтээхтэр.

Кини Александр Жирков салалтатынан үлэлээбит бэһис ыҥырыылаах норуот дьокутааттарын үлэлэрин бэлиэтээтэ. Кинилэр 2 тыһыынча нормативнай аакталары ылыммыттар, о.и. 824 сокуону, сокуон 34 барылын федеральнай таһымҥа таһаарбыттар, итинтэн сэттэтэ сокуон буолбуттар.

Следите за самым важным и интересным в Telegram-канале и WhatsApp-группе ЯСИА