2016 сыл түмүгүнэн Саха сирин фермердэрэ тыа хаһаайыстыбатыгар үчүгэй көрдөрүүлэри ситистилэр. Ити туһунан үөрүүлээх мунньахха бастакы вице-премьер — тыа хаһаайыстыбатын уонна ас-үөл бэлиитикэтин миниистирэ Петр Алексеев эттэ.


«Тыа хаһаайыстыбата төһө да, Саха сирин тыйыс усулуобуйатыгар тэриллэрин да иһин, биһиги фермердэрбит өрө тахсыылаахтык үлэлииллэр. Сыл барыллааһын түмүктэрэ көрдөрөллөрүнэн, ситиһии баар. Ол курдук, үүтү ыаһын 4 тыһ.тоннанан эбиллэр, сүөһү төбөтүн ахсаана бигэтийэр, сылгы уонна таба ахсаана элбиир. 2016 сылга былырыыҥҥытааҕар элбэх үүнээйини хомуйдубут», —диэтэ Петр Алексеев.

Кыһалҕа баар, ону быһаарыыга Саха сирин салалтата күүскэ үлэлиир. «Тыа хаһаайыстыбатын судаарыстыбаннай бырагырааматын олоххо киллэриигэ консолидированнай бюджет суотугар 10,7 млрд.солк. анаммыта. Кэлэр сыллааҕы бюджеккэ эмиэ итиччэ кэриэтэ үп-харчы көрүлүннэ. Үп-харчы кээмэйэ улаатарын күүтэбит», — диэтэ бастакы вице-премьер.

2017 сыл тохсунньу 1 күнүттэн тыа хаһаайыстыбатын сүрүннүүр сокуон күүһүгэр киирэрин кини эттэ: «Региоҥҥа сүрүн аһылыкка: эккэ, үүккэ, оҕуруот аһыгар, балыкка, хортуопуйга, о.д.а соҕотуопка сыаната олохсуйуо. Үүтү оҥорон таһаарыыны эһиил өйүүр соруктаахпыт. Убаһа, ынах эттэрин оҥорууну аан бастакытын бюджеттан өйүөхпүт», — диэтэ кини.

2030 сылга диэри болдьохтоох Стратегия чэрчитинэн бэйэ оҥорон таһаарыыта күүскэ өйөнүө. Ити ордук тыа хаһаайыстыбатыгар сыһыаннаах.

«Муниципальнай былаас уорганнарын, кооперативтарын кытта ыкса ситимнээх үлэ түмүгэр элбэҕи ситиһиэхпит», — диэн Петр Алексеев ыҥырда.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.