Өрөспүүбүлүкэтээҕи киин тутар хамыһыйа РФ үрдүк үөрэҕин кыһаларыгар целевой үөрэхтээһиҥҥэ докумуоннары атырдьах ыйын 13 күнүн толору тутуоҕа. Бу туһунан үөрэх миниистирин бастакы солбуйааччы Михаил Присяжный бүгүн буолбут, үрдүк үөрэх кыһаларыгар туттарсыы тиэмэтигэр анаммыт, онлайн-конференция кэмигэр иһитиннэрдэ диэн, СИА суруйар.
Михаил Присяжный иһитиннэрбитинэн быйылгы дьылга өрөспүүбүлүкэҕэ 923 целевой миэстэ көрүллүбүт, онтон 264-дэ дойду киин үрдүк үөрэх кыһаларыгар. Саамай элбэх целевой миэстэни — 170 доруобуйа харыстабылын министиэристибэтэ биэрбит.
Бүгүҥҥү күҥҥэ барыта 200 сайаапка киирбит. Култуура, физическай култуура уонна спорт үрдүк үөрэҕин кыһаларыгар конкурс түмүктэммит.
Өрөспүүбүлүкэтээҕи киин тутар хамыһыйа РФ үрдүк үөрэҕин кыһаларыгар тоҕус хайысханан целевой үөрэхтээһиҥҥэ докумуоннары атырдьах ыйын 13 күнүн толору тутуоҕа. «Ити кэмҥэ диэри биһиги үөрэххэ туттарсыы бары процедуратын ааһыахтаахпыт«, — диир солбуйааччы миниистир.
Михаил Присяжный ХИФУ-га 120 бюджетнай миэстэ педагог идэлэригэр баарыгар болҕомтотун хатаата. Сайаапкалары атырдьах ыйын 15 күнүгэр күүтэллэрин эттэ.
Солбуйааччы миниистир сайаапканы биэрэргэ БКЭ түмүгүн күүтэр булгуччута суоҕун санатта. Докумуоннары атырдьах ыйын 13 күнүн толору rpkpriem@mail.ru электроннай почтаҕа ыытыахха, интэриэһиргиир боппуруостаргытын 89241751493 билсиэххэ сөп.
Сиһилии манна аах https://ysia.ru/priyom-dokumentov-v-minobrnauki-yakutii-na-tselevoe-obuchenie-prodlen-do-13-avgusta/
