Коронавирус пандемиятыттан эмсэҕэлээбит дьону өрөспүүбүлүкэ 18 орто анал, үрдүк үөрэх кыһаларыгар 34 идэҕэ босхо үөрэтиэхтэрэ. Бүгүҥҥү күҥҥэ үөрэххэ сайаапкатын 300-тэн тахса киһи биэрдэ. Барыта 1450 киһи үөрэнэрэ сабаҕаланар.


Мэдиссиинэ колледжыгар – 146 сайаапка киирбит. Манна баҕалаахтар мэдиссиинискэй уонна социальнай көрүү, эстетическэй косметология, лабораторнай мэдиссиинискэй анаалыс идэлэригэр үөрэниэхтэрэ. 40 киһи Дьокуускайдааҕы сервис технологическай техникумугар уонна Арктикатааҕы агротехнологический университекка, 23 киһи Дьокуускайдааҕы сервис технологическай техникумугар, 15 киһи –индустриальнай-педагогическай колледжка, түөрт киһи – Покровскай колледжыгар уо.д.а.сайаапкатын биэрбит.

«329 сайаапкаттан 12-тэ Саха сирин таһыгар үөрэнэргэ киирдэ”, – диэн профессиональнай үөрэхтээһини сайыннарар институт дириэктэрин солбуйааччы Иннокентий Оконешников этэр.

Коронавирус пандемиятыттан эмсэҕэлээбит дьон араҥатыгар:

  • бу сыл кулун тутар ый 17 күнүн кэннэ уурайар туһунан сурук туппут дьон (тэрилтэ эстэринэн эбэтэр үлэһитин ахсаанын аҕыйатарынан, кылгас кэмҥэ үлэлиир болдьоххо көһөрүнэн) киирэр.
  • кулун тутар ый 17 күнүн кэннэ үлэлээх буолуу кииннэригэр үлэ көрдөнөн турбут дьон.
  • 2020 сылга үөрэхтэрин бүтэрбит идэлээх дьон.
  • 2020 сыл кулун тутар ый 17 күнүн кэннэ үлэлэриттэн уурайбыт дьон. Манна үлэ дьиссипилиинэтин кэспит итиэннэ атын сокуоннары кэһэн уурайбыт дьон киирсибэттэр.

Үөрэх арааһын кытары https://express.worldskills.ru. билсиэххэ, сурутуохха сөп.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.