29 Кулун тутар 29.03
  • -13°
  • $ 92,26
  • 99,71

Пандемия кэмигэр коммунальнай төлөбүрү ирдиир оруннаах дуо?

16:01, 02 сентября 2020
Текст:
Читайте нас на
Яндекс Новости
ЯДВ

Пандемия кэмигэр коммунальнай төлөбүрү ирдиир төһө оруннааҕын, иэс иһин уоту араарыы туһунан боппуруостары ааспыт нэдиэлэҕэ дьон СӨ тутууга уонна дьиэни-уоту кэтээhиҥҥэ судаарыстыбаннай Управлениетыттан социальнай ситимнэр нөҥүө ыйыппыт. Маныаха тэрилтэ бу курдук быһаарар.  


Коронавирус пандемиятынан сибээстээн бу дьыл муус устар 6 күнүттэн 2021 сыл тохсунньу 1 күнүгэр диэри РФ Бырабыыталыстыбатын  муус устар 2 күнүнээҕи 424N-дээх Уурааҕынан коммунальнай өҥө, капитальнай өрөмүөн иһин төлөбүрдэри кэмигэр эбэтэр толору төлөөбөтөххө отуойканы ирдиир, пеня, ыстараап ааҕар бобуулаах. Бу туһунан СӨ тутууга уонна дьиэни-уоту кэтээhиҥҥэ судаарыстыбаннай Управлениетын пресс-сулууспата суруйар. Уураах быһыытынан коммунальнай өҥөнү оҥорор тэрилтэлэр олохтоохтортон отуойканы, ыстыраабы, пеняны төлүүрү ирдиэ суохтаахтар. Маны таһынан иэс иһин уоту, ууну, канализацияны араарыа суохтаахтар. Счетчиктары, өскөтүн кинилэр бэрэбиэркэни барар кэмнэрэ ааспыт буоллаҕына, алдьаммытынан ааҕыа суохтаахтар.

Ол эрэн сымнатыы миэрэлэрэ коммунальнай өҥө иһин төлөбүргэ сыһыаннара суохтар. Дьиэ-уот Кодексын 153 ыст. олоҕуран хаһаайыттар ыйын аайы коммунальнай өҥө иһин төлөбүрү төлүөхтээхтэр. Иэс мунньуллар түбэлтэтигэр өҥөнү оҥорор тэрилтэлэр итэҕэстэрин ирдиир бырааптаахтар.

«Коммунальнай өҥөҕө сүрүн иэһи ыстырааба суох, ол иһигэр мораторий кэмигэр мунньуллубуту, суут нөҥүө эбэтэр көннөрү ирдиэхтэрин сөп. Ону таһынан муус устар 6 күнүгэр диэри эбэтэр мораторий кэннэ мунньуллубут иэһи эмиэ ирдиэхтэрин сөп«, — диэн СӨ тутууга уонна дьиэни-уоту кэтээhиҥҥэ судаарыстыбаннай Управлениетын салайааччы Павел Аргунов быһаарар.

Иэстээхтэр салайар хампаанньаҕа эбэтэр өҥөнү оҥорор тэрилтэлэргэ сурук суруйан иэһи кэрчиктээн төлүүрү туруорсуохтарын сөп. Маныаха икки өрүттээх кыраапыктаах дуогабар түһэрсиллэр, диэн тэрилтэ пресс-сулууспата суруйар.

Следите за самым важным и интересным в Telegram-канале и WhatsApp-группе ЯСИА