Улуустааҕы айылҕа харыстабылын иниспиэктэрдэрэ овцебыктар туруктарын, төрүөх хаамыытын билсэ бара сырыттылар. Чокуурдаахтан баран иһэн, биир овцебык оҕото үөртэн тэйиччи соҕотох сылдьарын дьиктиргии көрбүттэр. Атын кыыл кыйдаабыт, киһи тыыппыт суола-ииһэ суох дииллэр. Төннөн истэхтэринэ эмиэ соҕотох сылдьаахтыыр үһү.


Онон ийэтэ бырахпыт диэн, овцебыктарын буранынан бөһүөлэккэ тиэйэн аҕалбыттар. Түүн иниспиэктэр Александр Трофимов дьиэтигэр илдьэн хоннорбут.

Бүгүн сөмөлүөккэ ыллахтарына, куоракка “Орто дойду” зоопаркаҕа ыытыахпыт”, — диир иниспиэктэр Иван Рожин.

Быйыл Аллайыахаҕа ыаллыы Абыйга курдук хаар халыҥ. Онон кыылларга даҕаны уустук кыһын ааста быһыылаах. Аллайыаха туундаратыгар олохсуйбут овцебыктарга баччаҕа төрүөх кэмэ. Ол эрээри, быйыл төрүөх мөлтөх дииллэр.

Улуустааҕы айылҕа харыстабылын иниспиэктэрдэрэ Чокуурдаахтан 45 км сиргэ 3 улахан, 1 кыра овцебыгы көрбүттэр. Ити сиртэн өссө 3 килэмиэтир курдук тэйиччигэ 28 улахан, 4 кыра овцебыкка түбэспиттэр. Салгыы айаннаан өссө 6 овцебык аһыы сылдьарын көрбүттэр. Ньирэйдэрэ суох үһү. Оттон Индигиир уҥуор 5 саҥа төрөөбүт оҕолоох 30-ча итинник кыыл тоҕуоруһан сылдьар. Онон икки күннээх кэтээн көрүү кэмигэр 71 улахан овцебык уонна 10 кыра овцебык баарын аахтылар.

 

edersaas.ru

Сигэн:

1
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.