От ыйын 5 күнүнээҕи Бикипиэдьийэҕэ Кирилл уонна Мефодий, Исаак Ньютон, Антониу де Оливейра Салазар Прокопий Гуляев, Алексей Абрамов, Владимир Ксенофонтов уонна Адольф Алунан ааттара уонна историяҕа хаалларбыт олохторо суруллар.


Бэлиэ күннэр:

🇩🇿 Алжир — Тутулуга суох буолуу күнэ (Францияттан 1962).
🇦🇲 Армения — Конституция күнэ.
🇻🇪 Венесуэла — Тутулуга суох буолуу күнэ (Испанияттан 1811).
🇨🇻 Кабо-Верде — Тутулуга суох буолуу күнэ (Португалияттан 1975).
🇨🇿 Чехия, 🇸🇰 Словакия — Кирилл уонна Мефодий күнэ.

Түбэлтэлэр:

🔹1687 — Исаак Ньютон «Айылҕа философиятын математическэй төрүттэрэ» (Philosophiæ Naturalis Principia Mathematica) диэн сүрүн үлэтэ атыыга тахсыбыт. Манна кини аан дойду гравитациятын уонна хамсааһын үс сокуонун быһаарбыт.

🔹1924 — «Холбос» Саха сиринээҕи сойууһун аҕытаассыйалыыр хаһыата тахсыбыт.

🔹1932 — Португалия премьер-миниистиринэн Антониу де Оливейра Салазар анаммыт. Кини бу солоҕо 1968 сыллаахха диэри 36 сыл олорон дойдуну салайбыт. Салазар өр кэмнээх кириисис кэнниттэн былааска кэлэн экэниэмикэни өрө тардыбыт, дьадаҥы дьон ахсаанын аччаппыт, ол эрэн үөрэҕириигэ, дьон олоҕун таһымыгар болҕомто ууруллубатах.

🔹1945 — Сэбиэскэй аармыйаҕа сэрии бүппүтүнэн, демобилизация саҕаламмыт.

🔹1996 — Долли диэн ааттаах хой бастакы клоннаммыт үүтүнэн иитээччи кыыл буолбут.

Төрөөбүттэр:

🔸1910 — Чурапчыга Прокопий Гуляев (1978 өлб.) — Социалистыы Үлэ Дьоруойа, горняк.

🔸1929 — Үөһээ Бүлүү Үһүс Үөдүгэй нэһилиэгэр (билигин Далыр) Алексей Абрамов, СӨ билимин үтүөлээх диэйэтэлэ, билим уонна тиэхиньикэ эйгэтигэр СӨ Илин бириэмийэтин лауреата, биология дуоктара.

🔸1947 — Үөһээ Бүлүү Далырыгар Владимир Ксенофонтов — композитор, Саха Өрөспүүбүлүкэтин искусствотын үтүөлээх деятелэ.

Өлбүттэр:

🔹1912 — Адольф Алунан (1848 төр.), латыш артыыһа, режиссёр, драматург, латыш тыйаатырын олохтооччу.

https://sah.wikipedia.org/wiki/От_ыйын_5

https://sah.wikipedia.org/wiki/Алжир

https://sah.wikipedia.org/wiki/Ньютон_Исаак

https://sah.wikipedia.org/wiki/»Холбос»_Респотребсоюз

https://sah.wikipedia.org/wiki/Хой

https://sah.wikipedia.org/wiki/Гуляев_Прокопий_Васильевич

https://sah.wikipedia.org/wiki/Абрамов_Алексей_Федорович

https://sah.wikipedia.org/wiki/Ксенофонтов_Владимир_Васильевич

Сигэн:

1
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.