1950 сыллаахха Москубатааҕы Щепкин аатынан театральнай институукка саха студията аһыллыбыт. Билигин Саха тыйаатырыгар биэс көлүөнэ Щепкин училищетын бүтэрээччи үлэлии сылдьар. Маҥнайгы выпускниктартан биирдэстэрэ СӨ норуодунай артыыската Анна Кузьмина 2014 сыллаахха саха театральнай ускуустубатын устуоруйатыгар аан бастакытын «Кыһыл көмүс мааска» бириэмийэ лауреата буолбута. Былырыын, 17 сыл буолан баран, алтыс көлүөнэ саха ыччата училищеҕа үөрэнэр кыахтаммыта. Кинилэр Арассыыйа норуодунай артыыһа, профессор Борис Клюев салалтатынан үөрэниэхтэрэ. Бу туһунан Бикипиэдьийэ санатар.
От ыйын 23 диэн Грегориан халандаарыгар сыл 204-с күнэ (ордук хонуктаах сылга 205-c күнэ). Сыл бүтүө 161 күн баар.
Бэлиэ күннэр:
- Аан дойдуга Кииттэр уонна дельфиннэр күннэрэ.
- Эгиипэккэ Өрөбүлүүссүйэ күнэ.
Түбэлтэлэр:
- 1840— Британия Канаадаҕа бэйэтэ салайынар сир стаатуһун биэрэрин туһунан биллэрбит.
- 1851— Тохсунньу 1 күнүттэн (саҥа ааҕыыннан 1852 сыл тохсунньу 13 күнүттэн) Саха уобалаһа Иркутскай күбүөрүнэттэн араарыллыахтааҕын туһунан быһаарыныы ылыныллыбыт: «Саха уобалаһын салайыы туһунан» балаһыанньа бигэргэммит. Сыл аҥаарынан Саха уобалаһын бастакы күбүрүнээтэрэ ананан кэлбит.
- 1867— Арассыыйаҕа Туркестааннааҕы генерал-губернаторство олохтоммут.
- 1901— ньиэмэс бырааһа Роберт Кох бубоннаах чумааны кырыысалар тарҕаталлар диэн түөрүйэтин дьоҥҥо билиһиннэрбит.
- 1903— Ford Motor Company бастакы массыынатын «модель А» атыылаабыт.
- 1918— Омскайдааҕы бырабыыталыстыба Сибиир тутулуга суоҕун биллэрбит.
- 1923— ВЦИК уурааҕынан Лаамы уеһа Саха Өрөспүүбүлүкэтиттэн араарыллан Камчаатка уобалаһыгар бэриллибитэ.
- 1928— Абаҕаҕа олорбут Михаил Корниловы — Мээнчэ уолун балыырга түбэһиннэрэн 58 ыстатыйаннан буруйдаан хаайбыттар. Нөҥүө күнүгэр ойоҕо төрдүс оҕотун оҕоломмут. Ону ол диэбэккэ дьахтары Өлүөхүмэ хаайыытыгар укпуттар. Мээнчэ уолун бэйэтин биэс сылга уураахтаан ыраах Соловецкай лааҕырга ыыппыттар. Онтон Финляндияҕа күрээбитэ.
- 1950— Москубатааҕы Щепкин аатынан театральнай институукка саха студията аһыллыбыт.
- 1957— Саха сиригэр сэбиэскэй былааһы олохтоспут Иван Строд буруйа суоҕунан реабилитацияламмыт. 1937 сыл атырдьах ыйын 19 күнүгэр сууттаабыттара, терроризмҥа күтүрээбиттэрэ уонна ол күн ытан өлөрбүттэрэ.
- 1974— Грецияҕа «хара полковниктар» диктатураларын суох гыммыттар.
- 1992— Абхазия Үрдүкү Сэбиэтэ дойду Грузияттан тутулуга суоҕун биллэрбит.
Төрөөбүттэр:
- 1792— Пётр Вяземскай — бэйиэт уонна литэрэтиирэ кириитигэ.
- 1912— (эргэ истиилинэн от ыйын 10) — Нам улууһун Хатыҥ Арыытыгар Павел Кугаевскай төрөөбүт — РСФСР уонна Саха АССР оскуолаларын үтүөлээх учуутала.
- 1925— Ньурбаҕа Аммосовка сэлиэнньэтигэр Николай Самсонов төрөөбүт — филология хандьыдаата, СГУ профессора, Духуобунас Академиятын чилиэнэ.
Өлбүттэр:
- 1645— Михаил Фёдорович — Романовтар династияларыттан бастакы нуучча ыраахтааҕыта. Бу ыраахтааҕы саҕана Саха сиригэр хаһаактар кэлбиттэрэ, элбэх остуруок тутуллубута.
- 1875— Айзек Меррит Зингер — АХШ айааччыта, киэҥник тарҕаммыт иистэнэр массыына оҥорбут киһи.
- 1916— Уильям Рамзай — Англия хиимигэ, аргон, криптон, ксенон уонна неон инертнай гаазтары арыйбыт учуонай, Нобель бириэмийэтин 1904 сыллааҕы лауреата.
- 1926— Виктор Васнецов — худуоһунньук.
