1955 сыллаахха Үөһээ Бүлүү Оҥхойугар хапсаҕайга САССР спордун маастара Валерий Федоров (Кыайыы Махсыым) төрөөбүт. Кини анал тренерэ суох, бэйэтин бэйэтэ дьарыктаан оройуон чемпионуттан саҕалаан дойду араас муннуктарыгар кыайыы кынаттаммыт бөҕөс. 1982 с. Үөһээ Бүлүү оройуонун үбүлүөйдээх ыһыаҕар абсолютнай чемпионакка Валерий монгол аатырбыт бөҕөһүн Зевгийн Дубчины кыайбыта. Билигин кини бирииһигэр нэһилиэгэр тустуу бырааһынньыктара буолара үгэскэ кубулуйда.
От ыйын 21 диэн Грегориан халандаарыгар сыл 202-с күнэ (ордук хонуктаах сылга 203-c күнэ). Сыл бүтүө 163 күн баар.
Түбэлтэлэр:
- 1613— (оччотооҕу ааҕыынан от ыйын 11-гэр) Москубаҕа 17 сааһын саҥа туолан эрэр Михаил Романов ыраахтааҕы буолан бэргэһэлэммит. Аҕата Федор Романов кыахтаах боярин этэ, уола ыраахтааҕы буолбутун кэннэ патриарх буолбута, кырдьан 1633 сыллаахха өлүөр диэри судаарыстыба дьиҥнээх салайааччыта кини этэ. Михаил Федоровичтан Арассыыйаҕа саҥа Романовтар династиялара олохтоммута (ол иннинэ сүнньүнэн Рюриковичтар салайбыттара). 1945 сыллаахха өлүөр диэри бөрүстүөлгэ олорбута. Бу ыраахтааҕы саҕана Москуба саарыстыбатыттан бастакы дьон Саха сиригэр кэлитэлээн, остуруоктары тутан олохсуйан, олохтоохтортон дьаһаах хомуйан барбыттара.
- 1645— Кытайга Цин династия регенэ (эдэр император оннугар дойдуну салайар киһи) Доргон кытайдар баттахтарын манчжурдуу оҥостоллорун туһунан ыйаах таһаарбыт. Ол аата төбө иннигэр баттах хоруйуллуохтаах, оттон кэннигэр — көҕүл өрүллүөхтээх.
- 1883— Боотуруускай улууһун кулубата Дьөгүөр Ньукулаайап (Улахан Дьөгүөрдээн) маннык суруйбут: «Сыылынайдар сир оҥоһуутугар саамай табыгастаах сири ылан баран түргэн баҕайытык уоҕун бараан кэбиһэллэр уонна эбии сахалартан ордубут сирдэрин куортамҥа ылаллар […] Инньэ гынан, сыылынайдар сахалары букатын да сирэ суох хааллараллар».
- 1935— Осетровоҕа өрүс пуордун тутарга уонна онно мас ааллары тутарга диэн ВКП(б) Саха обкомун уурааҕа тахсар.
- 1954— Бастакы Индокитай сэриитин түмүктүүр Женеватааҕы кэмпириэнсийэҕэ Вьетнамы икки аҥы араарбыттар — Хоту уонна Соҕуруу.
- 1983— Антарктидаҕа Восток станцияҕа Сир ньууругар саамай намыһах температура бэлиэтэммит — −89,2 °C.
Төрөөбүттэр:
- Б.э.инн. 356 сыл — Александр Македонскай(б.э. инн. 323 с. өлб.), Македония ыраахтааҕыта (б.э. инн. 336 сыллаахтан), полководец, оччотооҕуга саамай бөдөҥ импиэрийэни тэрийбитэ.
- 1899— Эрнест Хемингуэй (1961 с. бэйэтигэр тиийиммитэ), америка суруйааччыта, суруналыыс, Нобель бириэмиэйтин лауреата (1954).
- 1955— Валерий Федоров (Кыайыы Махсыым) — хапсаҕайга САССР спордун маастара (1976 с.)
Өлбүттэр:
- 1929— Николай Неустроев — Саха литэрэтиирэтин төрүттээччилэртэн биирдэстэрэ (1895 с.т.). Баара суоҕа 33 сааһыгар ыалдьан өлбүтэ.
- 1994— Павел Мельников (19.06.1908 төр.) — Социалистыы Үлэ Дьоруойа, ирбэт тоҥу чинчийбит учуонай уонна салайааччы.
- 2016— Николай Рыкунов — Арассыыйа Суруйааччыларын Сойууһун чилиэнэ (2015 с.), литэрэтиирэ кириитигэ, прозаик, суруналыыс, тылбаасчыт.
