29 Кулун тутар 29.03
  • -15°
  • $ 92,37
  • 99,53

От ыйыгар Дьокуускайга Путин кэлиэҕэ

Читайте нас на
Яндекс Новости
ЯДВ

Россия президенэ Владимир Путин от ыйыгар Саха сиригэр кэлиэҕэ уонна Дьокуускайга ыытыллар Бүтүн Россиятааҕы норуот фронун регионнар икки ардыларынааҕы форумугар кыттыыны ылыаҕа. Бу сонуну норуот фронун регионнааҕы салаатын хос бэрэссэдээтэлэ Алена Атласова бигэргэтэр.


«Владимир Путин форумҥа кытта кэлэр. Бырагыраамата сиһилии кэлин биллиэ, билигин барыла оҥоһуллар. Кини бу хайысханан атын регионнарга үлэтин киэбин көрдөххө, кинини кытта РФ бырабыыталыстыбатын чилиэннэрэ кэлсэллэр. Олус кэскиллээх кэпсэтии буоларын күүтэбит», — диэтэ Алена Атласова ЯСИА кэрэспэдьиэнигэр.

Форумҥа Россия илиҥҥи территорияларын сайдыыларын тула баар кыһалҕалаах боппуруостары дьүүллэһэллэрэ: доруобуйа харыстабыла, сыана, агропромышленнай комплекс, өйөбүл механизмнар уо.д.а. тустарынан.

Улахан тэрээһиҥҥэ Уһук Илиҥҥи уонна Байкальскай регион норуодунай фронун чилиэннэрэ кыттыыны ылыахтара. Уопсай тиэмэлэр уонна Россия таһымнаах боппуруостар көрүллүөхтэрэ. Суол тутуута, авиация, төрүт дьарык барыта хабыллара былааннанар.

Мунньах от ыйын саҥатыгар ыытыллара торумнаммыт.

Следите за самым важным и интересным в Telegram-канале и WhatsApp-группе ЯСИА