“Тымныы чыпчаала” ТХПК Остуолба Улахан Сыһыытыгар биирдиилээн дьон ортотугар үһүс күүлэйин тэрийэн ыытта.
Күүлэйгэ сүрүннээн олохтоохтор уонна Верхоянскай куорат отчуттара кытыннылар. Икки күннээх охсууга уонна харбааһыҥҥа түмүктэр маннык буоллулар.
Охсууга I-кы бочуоттаах миэстэни Остуолбаттан Горохов Дьулустаан ылла (4 га), II-с миэстэ Харитонов Владимир (2,57 га) уонна Сотрудников Денис (2,55 га) буоллулар, III-һү Верхоянскай кураттан Графов Герман (2,37 га) уонна Васильев Василий (1,55 га), Остуолбаттан Витковскай Андрей (1,88 га) үллэһиннилэр.
Харбааһыҥҥа эр дьон ортотугар I миэстэҕэ Остуолбаттан Горохов Дьуһаал таҕыста (4 га), II-кэ Верхоянскайтан Потапов Олимпий (2,57 га), III миэстэ Остуолбаттан Кузьмин Николай (2,55 га), Горохов Владимир (1,88 га), Табалаахтан Потапов Андрей (1,55 га) буоллулар.
Дьахталларга аҕыйах киһи кыттыбытынан, тэрийээччилэр бастакы миэстэни кимиэхэ да биэрбэтилэр. Онон, II миэстэҕэ Слепцова Нарыйаана – 1,54 га, III-кэ Жиркова Нина уонна Саввина Александра таҕыстылар. Үһүөн верхоянскайдар.
Эһиил даҕаны “Тымныы чыпчаала” ТХПК күүлэйдэри тэрийэн ыытан, от эбиниэ, саха төрүт үгэһин салҕыа диэн эрэнэбит.
Ааптар: Иннокентий КЫСЫЛБАИКОВ.
Хаартыска интэриниэттэн.
This post was published on 05.09.2018 12:24 12:24