Оскуолалар тэйиччиттэн үөрэххэ көһүөхтэрэ суоҕа. Бу туһунан Ил Дархан Айсен Николаев бүгүн «Россия 24» ханаалга быһа холбонуутун кэмигэр эттэ.
«ХИФУ алтынньы 14 күнүттэн ахсынньы 1 күнүгэр диэри тэйиччиттэн үөрэххэ көстө. Манна бастакы куурус устудьуоннара үөрэнэ сылдьыбыттара. 3300 устудьуонтан 130-та коронавирустаата. Ол иһин ити курдук быһаарыныыны бүгүн ХИФУ ректора Анатолий Николаев ылынна», — диэтэ Айсен Николаев.
Оскуолалар тэйиччиттэн үөрэххэ көһүөхтэрэ суоҕа.
«Өрөспүүбүлүкэ үрдүнэн 150 тыһыынча оҕо оскуолаҕа үөрэнэ сылдьар. Мантан бүгүҥҥү күҥҥэ 331 оҕо ыалдьар. Ити эрдэ харыстанар дьаһаллары ылыммыппыт түмүгэ», — диэтэ Ил Дархан.
This post was published on 13.10.2020 17:01 17:01