Сэтинньи 6 күнүгэр идэҕэ урутаан үөрэтии киинэ өрөспүүбүлүкэ бары оскуола үөрэнээччилэригэр, төрөппүттэригэр, учууталларга анаан «Инники идэлэр күннэрин» тэрийэн ыытар.
Тэрээһин онлайн Zoom нөҥүө сарсыарда 10.00 чаастан киэһэ 18.00 ч. диэри ыытыллар. Киин үлэһиттэрэ инникитин өрөспүүбүлүкэҕэ ханнык идэлэр наада буолуохтарын, саҥа идэлэр Атластарын туһунан сиһилии кэпсиэхтэрэ.
Кылаас салайааччыларыгар, оскуола психологтарыгар, тьютордарга, учууталларга анаан идэҕэ уһуйуу аныгы ньымаларын туһунан кэпсиэхтэрэ. Маны таһынан тэрээһин кыттыылаахтарыгар https://bilet.worldskills.ru/ платформаҕа 6-11 кылаас үөрэнээччилэригэр анаан «Билет в будущее» диэн идэҕэ эрдэттэн уһуйуу бырайыагар хайдах регистрацияланары, босхо диагностика барары, бырайыакка хайдах кыттары көрдөрүөхтэрэ.
Тэрээһиҥҥэ бу ссылканан http://copp14.ru/lidovayastranica киирэн, кыттыахха сөп. Тэрээһин туһунан сиһилии Киин сайтыгар билсиҥ http://copp14.ru/ .
