Үөрэх миниистирэ Михаил Сивцев Саха сирин үгүс оскуолаларыгар оҕолор күһүҥҥү сынньалаҥнара сэтинньи 2 күнүттэн 15-гэр диэри салҕаланарын иһитиннэрдэ. Тэйиччиттэн үөрэххэ хото көһүү буолбатын кини эттэ.
«Билиҥҥитэ өрөспүүбүлүкэ оскуолаларын барыларын тэйиччиттэн үөрэххэ көһөрөргө төрүөт суох», — диэн миниистир социальнай ситимҥэ суруйар.
Алтынньы 17 күнүгэр Саха сиригэр 649 оскуолаттан харантыыҥҥа биэһэ (0,7%) кирииптэн итиэннэ тумууттан сылтаан барбыттар. (Алдан, Бүлүү улуустарыгар иккилии оскуола, Кэбээйи улууһугар — 1).
«Оскуоланы сабыы – балаһыанньаттан тахсыы буолбатах. Ыалдьыбыттар истэригэр эрдэттэн тэйиччиттэн үлэлии, үөрэнэ олорооччулар, каникулга сылдьааччылар бааллар», — диир миниистир.
Михаил Сивцев алын сүһүөх оҕолоро олоҕурбут ньыманан, сирэй үөрэнэллэрэ наадалааҕын этэр. Өрөспүүбүлүкэ үрдүнэн алын кылаастарга 62 тыһ элбэх оҕо үөрэнэр.
Тэйиччиттэн үөрэтии таһымын үрдэтээри балаҕан ыйыттан учууталларга нэдиэлэ аайы онлайн-семинардар ыытыллаллар. Маны таһынан үөрэх министиэристибэтэ суһал көмө нүөмэрин нөҥүө ыалдьыбыт учуутал оннугар тэйиччиттэн үлэлиир учууталлары көрдүүр 8-800-100-99-43.
