28 Кулун тутар 28.03
  • -11°
  • $ 92,59
  • 100,27

Ороссолуода Күрүө Таас сайылыгар

Читайте нас на
Яндекс Новости
ЯДВ

Ороссолуода бөһүөлэгиттэн 2-3 км тэйиччи сытар Күрүө Таас сайылыгар Тамара Федорова салайааччылаах бааһынай хаһаайыстыба ыанньыксыта Туярина Григорьева оҕолорун, сиэннэрин кытта 20-тэн тахса сүөһүнү көрөн-истэн сайылаатылар.


‒ 16 ынаҕы ыыбыт. Былырыын эмиэ итиччэни ыырбыт. Оҕолорум үллэстэн ньирэй көрөөччү, бостуук оруолун толороллор. Урут ТХПК эрдэхпитинэ 3-4 ыанньыксыт буоларбыт, ‒ диэн Туярина Григорьева кэпсиир.

Ньирэйдэр ыраата барбакка, сайылык эргин чээлэй күөх сыһыыга мэччийэллэр, электро-уот ситимэ суох, тэлэбиисэр, компьютер мэлигир буолан, кыра сиэн уолаттар сайыннарын сибиэһэй салгыҥҥа, айылҕаҕа бэртээхэйдик атаараллар, сүүрэллэр-көтөллөр, үөннэри-көйүүрдэри, кыыллары-сүөллэри көрөн аралдьыйаллар. Эбэлэрэ, ийэлэрэ титииккэ сүөһү көрөллөрүгэр ону-маны аҕалан биэрэн ‒ көмө дьоно.

Күннэтэ 60-70, сорох кэмҥэ 50 лиитэрэ үүтү ыыллар.Бөһүөлэк чугас буолан, бородуукталарын онтон таһаллар.

Григорьевтар урукку пиэрмэ сайылыгын ыанньыксыттара олороллоругар анаан тутуллубут хас да кыбартыыралаах дьиэ биирин оҥостон олороллор. Мас хайытан оһох оттуналлар. Үгэс быһыытынан, сайылыктан балаҕан ыйын ортото кыстык сирдэригэр көһүөхтэрэ.

Следите за самым важным и интересным в Telegram-канале и WhatsApp-группе ЯСИА